news source: rozanaspokesmanਬ੍ਰਾਜ਼ੀਲ ਵਿਚ ਪੰਜ ਮਹੀਨੇ ਦਾ ਇਕ ਬੱਚਾ ਕੋਰੋਨਾ ਵਾਇਰਸ ਤੋਂ ਬੁਰੀ ਤਰ੍ਹਾਂ ਪ੍ਰਭਾਵਿਤ ਸੀ ਜੋ ਕਿ ਵਾਇਰਸ ਖ਼ਿਲਾਫ਼ ਜੰਗ ਜਿੱਤਣ ਵਿਚ ਸਫਲ ਹੋ ਗਿਆ ਹੈ। ਡੋਮ ਨਾਮ ਦਾ ਇਹ ਬੱਚਾ ਤਕਰੀਬਨ ਇੱਕ ਮਹੀਨਾ ਕੋਮਾ ਵਿੱਚ ਰਿਹਾ, ਪਰ ਡਾਕਟਰਾਂ ਦੀਆਂ ਕੋਸ਼ਿਸ਼ਾਂ ਤੋਂ ਬਾਅਦ ਉਸ ਨੂੰ ਨਵੀਂ ਜ਼ਿੰਦਗੀ ਮਿਲੀ ਹੈ।ਜਨਮ ਤੋਂ ਕੁਝ ਦਿਨਾਂ ਬਾਅਦ ਹੀ ਬੱਚਾ ਕੋਵਿਡ -19 ਸੰਕਰਮਣ ਹੋ ਗਿਆ।
ਉਸ ਨੂੰ ਇਲਾਜ ਲਈ ਰੀਓ ਡੀ ਜੇਨੇਰੀਓ ਦੇ ਪ੍ਰੋ-ਕਾਰਡੀਆਕੋ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ, ਜਿਥੇ ਉਸਨੇ 54 ਦਿਨ ਵਿਚ ਬਿਤਾਏ ਅਤੇ 32 ਦਿਨਾਂ ਵਿਚ ਉਹ ਕੋਮਾ ਵਿਚ ਵੈਂਟੀਲੇਟਰ ‘ਤੇ ਰਿਹਾ।ਡੋਮ ਦੇ ਪਿਤਾ ਵੈਗਨਰ ਐਂਡਰੇਡ ਨੇ ਦੱਸਿਆ ਕਿ ਉਸਨੂੰ ਸਾਹ ਲੈਣ ਵਿੱਚ ਕੁਝ ਮੁਸ਼ਕਲ ਆ ਰਹੀ ਸੀ, ਡਾਕਟਰਾਂ ਨੇ ਸਮਝਿਆ ਕਿ ਇਹ ਇੱਕ ਬੈਕਟੀਰੀਆ ਦੀ ਲਾਗ ਹੈ, ਪਰ ਜਦੋਂ ਦਵਾਈ ਦੇ ਬਾਵਜੂਦ ਉਹ ਠੀਕ ਨਹੀਂ ਹੋਇਆ ਤਾਂ ਅਸੀਂ ਉਸਨੂੰ ਹਸਪਤਾਲ ਲੈ ਆਏ।
ਇਥੇ ਕੀਤੇ ਗਏ ਟੈਸਟ ਵਿਚ ਇਹ ਪਾਇਆ ਗਿਆ ਕਿ ਡੋਮ ਨੂੰ ਕੋਰੋਨਾ ਵਾਇਰਸ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਵੈਗਨਰ ਅਤੇ ਉਸ ਦੀ ਪਤਨੀ ਡੋਮ ਨਾਲ ਇਕ ਰਿਸ਼ਤੇਦਾਰ ਦੇ ਘਰ ਗਏ ਹੋਏ ਸਨ, ਜਿਸ ਦੌਰਾਨ ਬੱਚੇ ਨੂੰ ਕੋਰੋਨਾ ਦੀ ਲਾਗ ਲੱਗ ਗਈ।ਡੋਮ ਦੀ ਪੂਰੀ ਤਰ੍ਹਾਂ ਠੀਕ ਹੋਣ ‘ਤੇ ਪਰਿਵਾਰ ਨੇ ਸੁੱਖ ਦਾ ਸਾਹ ਲਿਆ ਹੈ।ਡੋਮ ਦੀ ਮਾਂ ਵਿਵੀਅਨ ਮੋਂਟੇਰੀਓ ਇਸ ਨੂੰ ਇਕ ਚਮਤਕਾਰ ਮੰਨਦੀ ਹੈ। ਉਸਨੇ ਕਿਹਾ ਡੋਮ ਦੀ ਸਿਹਤਯਾਬੀ ਸਾਡੇ ਲਈ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਹੈ।
ਜਦੋਂ ਸਾਨੂੰ ਪਤਾ ਲੱਗਿਆ ਕਿ ਕੋਰੋਨਾ ਸੰਕਰਮਿਤ ਸੀ, ਤਾਂ ਸਾਡੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ। ਸਾਨੂੰ ਸਮਝ ਨਹੀਂ ਆਇਆ ਕਿ ਅਸੀਂ ਕੀ ਕਰੀਏ ਪਰ ਰੱਬ ਨੇ ਅੰਤ ਵਿੱਚ ਸਾਡੀਆਂ ਪ੍ਰਾਰਥਨਾਵਾਂ ਸੁਣੀਆਂ ।ਡਾਕਟਰਾਂ ਅਨੁਸਾਰ, ਡੋਮ ਹੁਣ ਪੂਰੀ ਤਰ੍ਹਾਂ ਤੰਦਰੁਸਤ ਹੈ ਅਤੇ ਜਲਦੀ ਹੀ ਉਸਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਜਾਵੇਗੀ। ਡੋਮ ਦੇ ਪਿਤਾ ਨੇ ਕਿਹਾ ਕਿ 14 ਜੂਨ ਨੂੰ ਉਸਦਾ ਬੇਟਾ ਛੇ ਮਹੀਨੇ ਦਾ ਹੋਵੇਗਾ। ਉਹ ਆਪਣਾ ਜਨਮਦਿਨ ਘਰ ਵਿਚ ਸਾਰਿਆਂ ਨਾਲ ਮਨਾਵੇਗਾ।
ਸਾਡੇ ਪੇਜ ਤੇ ਆਉਣ ਲਈ ਤੁਹਾਡਾ ਸਭ ਦਾ ਬਹੁਤ-ਬਹੁਤ ਸਵਾਗਤ ਹੈ |ਜੇਕਰ ਦੋਸਤੋ ਤੁਸੀਂ ਦੇਸ਼ ਦੁਨੀਆਂ ਦੀਆਂ ਵਾਇਰਲ ਤਾਜ਼ਾ ਖਬਰਾਂ ਤੇ ਖੇਤੀ ਨਾਲ ਸੰਬੰਧਿਤ ਖਬਰਾਂ ਸਭ ਤੋਂ ਪਹਿਲਾਂ ਦੇਖਣਾ ਚਾਹੁੰਦੇ ਹੋ ਤਾਂ ਹੁਣੇ ਹੀ ਸਾਡਾ ਪੇਜ ਲਾਇਕ ਕਰੋ ਤੇ ਨਾਲ ਹੀ ਪੇਜ ਨੂੰ ਫੋਲੋ ਵੀ ਕਰੋ ਤਾਂ ਜੋ ਸਾਡੇ ਦੁਆਰਾ ਦਿੱਤੀ ਗਈ ਹਰ ਨਵੀਂ ਅਪਡੇਟ ਤੁਹਾਡੇ ਤੱਕ ਸਭ ਤੋਂ ਪਹਿਲਾਂ ਪਹੁੰਚ ਸਕੇ |
