ਭਾਜਪਾ ਦੇ ਇੱਕ ਸੀਨੀਅਰ ਆਗੂ ਦੇ ਬਿਆਨ ਦੇ ਉੱਤੇ ਅੱਜ ਭੁਚਾਲ ਵਰਗੇ ਹਾਲਾਤ ਪੈਦਾ ਹੋ ਗਏ ਹਨ। ਅਸਲ ਵਿਚ ਇਸ ਸਾਰੀ ਗੱਲਬਾਤ ਦਾ ਇਸ਼ਾਰਾ ਨਵਜੋਤ ਸਿੰਘ ਸਿੱਧੂ ਨੂੰ ਲੈ ਕੇ ਹੈ।ਕੀ ਹੈ ਇਹ ਸਾਰੀ ਗੱਲਬਾਤ ਆਓ ਤੁਹਾਨੂੰ ਦੱਸਦੇ ਹਾਂ। ਨਵਜੋਤ ਸਿੰਘ ਸਿੱਧੂ ਕਾਫੀ ਸਮੇਂ ਤੋਂ ਆਪਣੀ ਪਾਰਟੀ ਕਾਂਗਰਸ ਤੋਂ ਨਾਖੁਸ਼ ਚਲਦੇ ਆ ਰਹੇ ਨੇ। ਜਿਸ ਦੇ ਚਲਦੇ ਬਹੁਤ ਸਾਰੀਆਂ ਸਿਆਸੀ ਪਾਰਟੀਆਂ ਉਨ੍ਹਾਂ ਨੂੰ ਆਪਣੇ ਨਾਲ ਰਲਾਉਣ ਦੀ ਕੋਸ਼ਿਸ਼ ਕਰ ਰਹੀਆਂ ਨੇ।ਇਸੇ ਸੰਬੰਧ ਵਿੱਚ ਭਾਜਪਾ ਦੇ ਸੀਨੀਅਰ ਆਗੂ ਅਤੇ ਸਾਬਕਾ ਮੰਤਰੀ ਮਾਸਟਰ ਮੋਹਨ ਲਾਲ ਨੇ ਵੱਡਾ ਬਿਆਨ ਦਿੰਦੇ ਹੋਏ ਦੱਸਿਆ ਕਿ ਆਉਂਦੀਆਂ ਪੰਜਾਬ ਵਿਧਾਨ ਸਭਾ ਦੀਆਂ ਚੋਣਾਂ ਦੇ ਵਿੱਚ ਨਵਜੋਤ ਸਿੰਘ ਸਿੱਧੂ ਭਾਜਪਾ ਪਾਰਟੀ ਵੱਲੋਂ ਲੜਨਗੇ। ਉਨਾਂ ਕਿਹਾ ਕਿ ਸਿੱਧੂ ਦਾ ਜਨਮ ਭਾਜਪਾ ਪਾਰਟੀ ਵਿੱਚ ਹੋਇਆ ਹੈ ਅਤੇ ਸਿੱਧੂ ਦਾ ਚਮਕਦਾ ਹੋਇਆ ਭਵਿੱਖ ਵੀ ਭਾਜਪਾ ਪਾਰਟੀ ਵਿੱਚ ਹੀ ਹੈ।