ਰਿਸ਼ੀਕੇਸ਼ ਤੋਂ ਲੰਡਨ ਤੱਕ ਚਲੇਗੀ ਬਸ -ਸਿਰਫ ਏਨੇ ਪੈਸਿਆਂ ਚ ਕਰੋ ਸਫ਼ਰ

ਘੁੰਮਣਾ ਫਿਰਨਾ ਜਾਂ ਸੈਰ ਸਪਾਟੇ ਤੇ ਜਾਣਾ ਹਰ ਇਕ ਦਾ ਸ਼ੌਕ ਹੁੰਦਾ ਹੈ। ਜਿੱਥੇ ਸੈਰ-ਸਪਾਟਾ ਕਰਨ ਨਾਲ ਮਨ ਦੀ ਸ਼ਾਂਤੀ ਮਿਲਦੀ ਹੈ ਉੱਥੇ ਹੀ ਵੱਖਰੇ ਕਲਚਰ ਨੂੰ ਜਾਨਣ ਦਾ ਮੌਕਾ ਵੀ ਮਿਲਦਾ ਹੈ। ਕਈ ਲੋਕ ਭਾਰਤ ਵਿੱਚ ਘੁੰਮਣ ਦੇ ਸ਼ੌਕੀਨ ਹੁੰਦੇ ਨੇ ਅਤੇ ਕੁਝ ਲੋਕ ਵਿਦੇਸ਼ਾਂ ਵਿੱਚ ਜਾ ਕੇ ਮਨੋਰੰਜਨ ਕਰਨਾ ਪਸੰਦ ਕਰਦੇ ਨੇ। ਪਰ ਵਿਦੇਸ਼ਾਂ ਵਿੱਚ ਜਾਣ ਵਾਸਤੇ ਸਾਨੂੰ ਜ਼ਿਆਦਾਤਰ ਹਵਾਈ ਜਹਾਜ਼ ਦੀਜ਼ਰੂਰਤ ਪੈਂਦੀ ਹੈ। ਪਰ ਜੇਕਰ ਇੱਥੇ ਇਹ ਕਹਿ ਦੇਈਏ ਕਿ ਹੁਣ ਤੁਸੀਂ ਵਿਦੇਸ਼ ਵਿੱਚ ਘੁੰਮ ਫਿਰ ਸਕਦੇ ਹੋ ਉਹ ਵੀ ਬੱਸ ਵਿਚ ਤਾਂ ਤੁਸੀਂ ਬਹੁਤ ਹੈਰਾਨ ਹੋਵੋਗੇ। ਜੀ ਹਾਂ! ਹੈਰਾਨ ਹੋਣਾ ਲਾਜ਼ਮੀ ਹੈ ਕਿਉਂਕਿ ਖਬਰਾਂ ਦੀ ਮੰਨੀਏ ਤਾਂ ਜੂਨ 2021 ਤੋਂ ਯਾਤਰੀ ਰਿਸ਼ੀਕੇਸ਼ ਤੋਂ ਲੰਡਨ ਦੀ ਯਾਤਰਾ ਕਰ ਸਕਦੇ ਨੇ। ਇੰਸਟਾਗ੍ਰਾਮ ਪੋਸਟਰ ਕਰ ਇਸਦੀ ਅਧਿਕਾਰਕ ਪੁਸ਼ਟੀ ਰੈਸਲਰ ਲਾਬਾਂਸ਼ੂ ਸ਼ਰਮਾ ਨੇ ਦਿੱਤੀ। ਪਹਿਲਾਂ ਇਸ ਬੱਸ ਨੂੰ ਦਿੱਲੀ ਤੋਂ ਲੰਡਨ ਚਲਾਉਣ ਦਾ ਐਲਾਨ bustolondon.in ਨੇ ਕੀਤਾ ਸੀ ਜਿਸ ਦੀ ਲਗਭਗ ਪੂਰੀ ਤਿਆਰੀ ਕਰ ਲਈ ਗਈ ਸੀ।ਲਾਬਾਂਸ਼ੂ ਸ਼ਰਮਾ ਇਸ ਬੱਸ ਸਰਵਿਸ ਦੀ ਸੇਵਾ ਕਰ ਰਹੇ ਨੇ ਅਤੇ ਜੇਕਰ ਕੋਈ ਵਿਅਕਤੀ ਘੁੰਮਣ-ਫਿਰਨ ਦਾ ਸ਼ੌਕੀਨ ਹੈ ਅਤੇ ਬੱਸ ਰਾਹੀਂ ਲੰਡਨ ਜਾਣਾ ਚਾਹੁੰਦਾ ਹੈ ਤਾਂ ਉਹ ਇਸ ਸੇਵਾ ਦਾ ਲਾਭ ਉਠਾ ਸਕਦਾ ਹੈ। ਲਾਬਾਂਸ਼ੂ ਸ਼ਰਮਾ ਭਾਰਤੀ ਰੈਸਲਰ ਰਹਿ ਚੁੱਕੇ ਨੇ ਜਿਨ੍ਹਾਂ ਨੂੰ ਲੋਕ ਪਹਿਲਵਾਨ ਜੀ ਦੇ ਨਾਮ ਤੋਂ ਵੀ ਜਾਣਦੇ ਨੇ। ਲਾਬਾਂਸ਼ੂ ਸੋਨੇ ਦੇ ਤਗਮੇ ਜਿੱਤ ਦੇਸ਼ ਦਾ ਮਾਣ ਵਧਾ ਚੁੱਕੇ ਹਨ ਅਤੇ ਇਸ ਦੇ ਨਾਲ ਉਹ ਵਿਸ਼ਵ ਸ਼ਾਂਤੀ ਕਾਰਜਕਾਰੀ ਮੈਂਬਰ ਵੀ ਨੇ। ਕੁਸ਼ਤੀ ਦੀ ਗੱਲ ਕਰੀਏ ਤਾਂ ਇੰਡੋ-ਨੇਪਾਲ ਕੁਸ਼ਤੀ ਵਿਚ ਵੀ ਇਨ੍ਹਾਂ ਨੇ ਦੋ ਵਾਰ ਸੋਨੇ ਦਾ ਮੈਡਲ ਹਾਸਲ ਕੀਤਾ ਹੈ।ਇਸ ਬੱਸ ਸੇਵਾ ਨਾਲ ਜੁੜ ਉਹ ਆਪਣੇ ਆਪ ਨੂੰ ਮਾਣ ਮਹਿਸੂਸ ਕਰ ਰਹੇ ਨੇ। ਹੋਰ ਕੀ-ਕੀ ਨੇ ਇਸ ਦੀਆਂ ਖੂਬੀਆਂ ਆਓ ਜਾਣਦੇ ਹਾਂ। ਰਿਸ਼ੀਕੇਸ਼ ਤੋਂ ਚੱਲ ਕੇ ਲੰਡਨ ਜਾਣ ਵਾਲੀ ਇਸ ਬੱਸ ਸਰਵਿਸ ਦਾ ਨਾਂਅ ਇਨਕ੍ਰੇਡਿਬਲ ਬੱਸ ਰਾਈਡ ਰੱਖਿਆ ਗਿਆ ਹੈ ਜੋ ਕਿ 21 ਹਜ਼ਾਰ ਕਿਲੋਮੀਟਰ ਦੀ ਦੂਰੀ ਤੈਅ ਕਰਕੇ ਲੰਡਨ ਪਹੁੰਚੇਗੀ। ਇੱਕ ਯਾਤਰਾ ਦੌਰਾਨ ਵੱਧ ਤੋਂ ਵੱਧ 20 ਯਾਤਰੀ ਹੀ ਇਸ ਸੇਵਾ ਦਾ ਲਾਭ ਉਠਾ ਸਕਣਗੇ।ਇਸ ਬੱਸ ਸੇਵਾ ਨੂੰ ਸ਼ੁਰੂ ਕਰਨ ਦਾ ਮੁੱਖ ਮੰਤਵ ਭਾਰਤੀ ਸੱਭਿਅਤਾ ਅਤੇ ਸੰਸਕ੍ਰਿਤੀ ਨੂੰ ਵਿਦੇਸ਼ਾਂ ਤਕ ਫੈਲਾਉਣਾ ਹੈ। ਜੇਕਰ ਲਾਬਾਂਸ਼ੂ ਸ਼ਰਮਾ ਜੀ ਦੀ ਗੱਲ ਕੀਤੀ ਜਾਵੇ ਤਾਂ ਉਨ੍ਹਾਂ ਨੇ 32 ਦੇਸ਼ਾਂ ਦੀ ਯਾਤਰਾ ਸੜਕ ਮਾਰਗ ਰਾਹੀਂ ਕੀਤੀ ਹੈ ਅਤੇ ਆਪਣੇ ਭਰਾ ਵਿਸ਼ਾਲ ਦੇ ਨਾਲ ਇਕ ਵਾਰ ਭਾਰਤ ਤੋਂ ਇੰਗਲੈਂਡ ਦੀ ਯਾਤਰਾ ਵੀ ਕਰ ਚੁੱਕੇ ਹਨ। 11 ਹਫਤਿਆਂ ਦੌਰਾਨ ਹੋਣ ਵਾਲੇ ਇਸ ਸਫ਼ਰ ਵਿੱਚ ਤੁਸੀਂ ਵੱਖ-ਵੱਖ ਦੇਸ਼ਾਂ ਵਿਚੋਂ ਹੁੰਦੇ ਹੋਏ ਕਈ ਮਨਮੋਹਕ ਨਜ਼ਾਰਿਆਂ ਦਾ ਆਨੰਦ ਮਾਣ ਸਕਦੇ ਹੋ। ਜਿਸ ਦੀ ਕੁੱਲ ਕੀਮਤ 14 ਲੱਖ ਰੁਪਏ ਨਿਰਧਾਰਤ ਕੀਤੀ ਗਈ ਹੈ ਜਿਸ ਵਿਚ ਬੱਸ ਕਿਰਾਇਆ, ਲੰਡਨ ਤੋਂ ਰਿਟਰਨਿੰਗ ਫਲਾਈਟ ਟਿਕਟ, ਵੀਜ਼ਾ ਫੀਸ, ਦਿਨ ਵਿੱਚ 2 ਵਾਰ ਖਾਣਾ ਅਤੇ ਯਾਤਰਾ ਵਿੱਚ ਘੁੰਮਣਾ ਫਿਰਨਾ ਸ਼ਾਮਲ ਹੈ।